广东家庭过年第一矛盾：年三十晚可唔可以洗头
新年已经进入倒计时，相信各家各户都陆续开始进行新年仪式同习俗。
咩年廿四开油镬、年廿八洗邋遢，往年讲咗好多次啦，所以今日想同大家倾下另一个话题：从细到大，我哋经历过嘅骑呢新年习俗！
正所谓各处乡村各处例，从细细个开始，我哋过年就会畀屋企长辈灌输一堆习俗同禁忌，就算不明缘由或者觉得唔合理，都依然要照做。
下边嘅习俗，唔知有几多系你童年过年时候嘅回（阴）忆（影）？
**本文素材由各位自己友提供，根据提及次数少到多排列
07
年廿四系广东人开油镬炸油器嘅时候，除咗炸油角，仲有炸咸水角、煎堆、蛋散、糖环……
不过有自己友草慈话，喺南番顺，有啲家庭炸油器嘅时候，唔准细路入厨房及讲嘢，唔知系因为有咩禁忌，定系惊细路百厌搞乱档摊？
✎搞乱档摊：把事情弄得乱七八糟
06
我之前就知道正月唔可以剪头发，冇谂到喺某啲地方，正月唔可以披头散发，咁就真系难为各位贪靓嘅女仔~
@vivi，清远，80后
刚嫁给我老公第一年，过年前我电了个梨花头，去她外婆家走亲戚，她外婆居然跟我老公说要我把头发扎起来……搞什么，人家梨花头这么漂亮~（委屈）
05
有啲人相信红色会转运聚财，所以会选择喺过年期间着红色嘅底衫底裤。
特别跨年嘅时候好多人打麻雀消遣，好多想赢钱嘅叔伯阿姨就会红衫红裤打孖嚟，用嚟挡煞聚财，喺赌枱大杀四方！
04
@155****190，信宜，80后
年三十晚，年初一唔准食肉（畀祖先食先），通常系成围九大簋整好晒再奉神，年初二先可以食，即係啲餸隔咗两晚一日。
新年睇住啲肉唔可以食，简直系一种折磨，搞到小沅子我突然好庆幸生在一个无肉不欢嘅家庭，我屋企绝对唔会有呢种习俗！
03
某一年过年，临瞓之前见到走廊灯未关，以为系屋企人唔记得，我非常好手尾关咗，第二日即刻畀阿妈闹。
原来从除夕至初三，门厅灯连续三日三夜都要开住，更有啲屋企会全屋开住灯，寓意让阴邪之物无法躲藏喺家中任一角落，同时有助于房屋风水。
02
关于新年唔可以扫地，有人话系年三十到年初一，有人话系年初一到初三，不过有一点可以肯定，好多老人家都唔主张新年扫地倒垃圾。
因为佢哋觉得咁样扫走来年嘅财运，就算真系要扫地，都要从门口扫入嚟，打烂嘢都要先用红纸包住，元宵之后再掉，咁先吉利！
不过新年屋企经常人来人往，如果唔扫地搞卫生，真系好污糟，所以有洁癖嘅后生仔女应该完全接受唔到。
01
呢个简直系众多后生仔女嘅心声，以上任何一条，我哋都觉得可以忍，但唯独系洗头，真系忍唔到咯！
虽然意头系紧要，但系我个头会臭噶！
@小黄，中山，90后
年初一不能洗头！！！我就洗了，觉得有什么呢，脏就洗啊明天还要出去见人呢，油腻的有什么好！被我妈发现了，把我打得骂得………哭得稀里哗啦，我还是成年了，无法理解……
@肥碟，清远，80后
最难顶就系以前细个嘅时候，阿嫲话年三十晚到年初七都唔可以洗头，依家大咗啦，我毅然拒绝，我依家不论是年初几，中意洗就洗。
@，广州，90后
团完年在家里不能洗头，都出去发廊洗头，老板见到我问，你家没水吗？天天来洗头的……
每次过年，几多后生仔女为咗争取洗头嘅权利，同屋企长辈经历一场“辩论”，谂起都系一堆辛酸史。
以上风俗习俗，喺好多长辈心中系再正常不过嘅仪式，但到咗后生一代，多少都觉得冇科学根据或者不合理，所以有唔少屋企因为过年风俗而争执。
其实所谓嘅风俗习俗，归根到底都系一个祈福转运仪式，希望来年全家平安开心。对于传统习俗，我哋系应该尊敬遵守，但不能守旧死板，冇必要事事按风俗行事。
习俗系死，人系生；
人在进步，习俗亦应前进。
各位自己友，为咗过年洗头，
你哋同长辈做过咩抗争？
你屋企仲有咩骑呢新年习俗？
最后，感谢提供素材嘅各位自己友~
上一篇
河图洛书的意思
最新文章
中秋节灯谜策划方案范文
奇闻趣谈：中国道教神仙体系汇总！很全面，值得分享！
如何从生辰八字，算桃花
十二生肖谁最具有穿衣品味
三春甲木
你终身有几朵桃花？从地支查你的桃花数与桃花运
520表白日：那些曾经弹无虚发的表白！
中国最厉害的易经大师裴翁（裴翁大师怎么联系）
热门文章
母亲节感恩的话语句子
西方万圣节的由来和传说？有什么习俗？
今天是雨水什么意思 雨水节气的含义是什么
中元节需要去墓地烧纸吗 中元节前三后四禁忌
12星座怎样才能摆脱单身收获爱情
大家说玉：汉代玉凤纹的文化内涵
俗语“早立秋凉飕飕，晚立秋热死牛”，到底是啥意思？